GlobalMedKZ 2025 халықаралық көрмесі

Жарияланды: Милана

27–28 қарашада Астанада GlobalMedKZ 2025 халықаралық көрмесі өтті — бұл медицина мен медициналық туризм саласындағы маңызды іс-шаралардың бірі. Көрме алаңында салалық сарапшылар, бизнес-қоғамдастық өкілдері және медициналық ұйымдар жиналып, инновациялар мен саланың даму перспективаларын талқылады.

Қазақстан Республикасы Денсаулық сақтау министрлігінің Курортология және медициналық оңалту ғылыми-зерттеу институты атынан ғылыми-зерттеу басқармасының жетекшісі Мадина Бауржан спикер ретінде қатысып, «Мемлекеттердің стратегиясындағы өзара толықтыратын бағыттар ретінде сауықтыру және медициналық туризмді дамыту» атты панельдік сессияда баяндама жасады. Ол өз сөзінде институттың негізгі тәсілдері мен реабилитация және санаторий-курорт саласындағы ықпалдастықтың перспективалық бағыттарын атап өтті.

GlobalMedKZ 2025 көрмесіне қатысу кәсіби байланысты нығайтып, ұлттық және халықаралық деңгейдегі одан әрі әріптестік үшін жаңа мүмкіндіктер ашты.

Жел. 1, 2025, 4:32 Т.Қ.