Аға ұрпақ – шексіз құрметке лайық ақыл мен тәжірибенің қайнар көзі

Жарияланды: Марлан

ҚР ДСМ Курортология және медициналық оңалту ҒЗИ «Бурабай» ЕСК филиалының базасында Қарттар күніне арналған мерекелік кеш өтті.

Аға ұрпаққа деген ілтипат пен құрмет мерекенің өзегіне айналып, жиналғандардың әрқайсысы жылылық пен қамқорлықты сезінді.

«Бурабай» ЕСК-да оңалтудан өтіп жатқан пациенттер кештің басты кейіпкерлері болды. Іс-шара ізгі ниет, мейірімділік және ризашылық атмосферасына толы болды. Бағдарламада барлық қонақтарға жайлылық пен қуаныш сыйлай отырып, музыкалық қойылымдар, құттықтаулар мен жылы тілектер айтылды.

«Бурабай» ЕСК филиалының мәдени-демалыс жұмысы бөлімінің басшысы Аян Қарамолдинов өз сөзінде жиынға қатысушылардың маңызды рөлін атап өтіп, олардың қоғамның дамуына қосқан орасан зор үлестерін және осы жылдардың ішінде жинақталған даналығын ерекше атап өтті. Қатысушылардың өмір жолы, тәжірибесі мен белсенді азаматтық ұстанымдары үшін үлкен алғысын білдіріп, зор денсаулық, амандық және ұзақ жылдар бақытты ғұмыр тіледі.

«Бүгінгі кеш – сіздердің баға жетпес тәжірибелеріңіз бен болашақ ұрпаққа үлгі болғандықтарыңыз үшін біздің шексіз алғысымыздың белгісі. Біз сіздердің денсаулықтарыңыз бен белсенділіктеріңізге үлес қоса алатынымызды мақтан тұтамыз», - деді Аян Қарамолдинов өз сөзінде.

Іс-шара барлық қатысушыларға жылы естеліктер мен қуанышты көңіл-күй сыйлай отырып, достық сұхбаттасумен аяқталды.

ҚР ДСМ Курортология және медициналық оңалту ҒЗИ халық денсаулығын сақтаудағы өз ісін жалғастыруда.

Қаз. 3, 2024, 4:55 Т.Қ.